Поминаа четири години откако Emeli Sande се појави на сцената и не освои сите со деби албумот “Our Version of Events”, а наскоро ќе се обиде да го повтори успехот со своето второ студиско издание.
28-годишната пејачка работи на нов материјал во последните две години, а во моментов во англиското Angelic студио забрзано работи на новиот албум со продуцентите Matt Holmes и Phil Leigh.
Според нејзиниот долгогодишен соработник Naughty Boy првичните планови биле вториот албум на Sande да биде издаден кон крајот на 2015, но откако дознале дека Adele ќе го издаде албумот “25” во истиот период, решиле да ги одложат плановите.
Во меѓувреме Sande не беше без работа. Таа се појави на синглот на David Guetta, “What I Did For Love”, а неодамна ја сними песната “Saddest Vanilla” со Jess Glynne за нејзиниот деби албум “I Cry When I Laugh”.
10.01.2016